Акыр иаԥсоу ҳџьынџьуаа!

Иахьа Аԥсуа бызшәа амш аназгәаҳҭо мшуп. Ишәыдаҳныҳәалоит аҵак ду змоу ҳмилаҭтә ныҳәа ду. Иқәыҩлааит ԥсра-ӡра ақәӡамкәа аԥсуа бызшәа ҳадгьыл, ашәышықәсақәа иргәылгааны иахьа уажәраанӡагьы ҳажәлар еиқәырханы иаарго уи абеиара абиԥарацыԥхьаӡа имырӡкәа еимырдалартә. 

Дасу дахьыҟоу аҭыԥ аҟны ҳхатәы бызшәа гәбылрала аиқәырхареи аҵареи зҿлымҳара аиҭалааит, наунагӡа ҳаԥсҭазаараҟны иҳацзааит. Иҟазааит уи иалацәажәо зегьы рзы игәадураны, аԥсуа жәлар ркультуреи рҭоурыхи ирсимволны.   

Игалааит «иамаӡамкәа хьаҳәа-ԥаҳәа» аԥсуа бызшәа аԥсуа дгьыл аҟны шьардаамҭа!